حــــــــــــــــــتتلويات جزائرية جديدة

دوائر التفاح






المقادير
للعجينة
500غ فرينة
1 خمارة الحلوى
قرصة ملح
2 بيض+صفار بيضة واحدة للدهن
40غ سكر رطب
80غ زبدة طرية
للحشوة
50غ زبدة
دوائر التفاح قطعي 3 حبات تفاح والا اربعة
30غ كوكاو مرحي للتزيين +20غ سكر



التحضير
في مقلاة نحط شوية زبدة ونقلي دوائر التفاح منخلوهمش حتى يتحرقوا ونحاولوا نحافظوا على لونهم الطبيعي ونقلبهم من الجهتين ونقليهم لمدة دقيقة ونحطهم في صحن يكون فيه ورق باه يشرب هداك الدهان في وعاء نضع الفرينة+ملح+خمارة ونخلط جيدا ومبعد نضيف البيض والسكر ونحاول نلمد العجينة بقليل من الماء وفي الاخير نضيغ الزبدة ونلمد العجينة ثم على سطح طاولة مرشوشة بالفرينة ونقوم بطبعها دوائر ونضع دائرة تفاح في كل واحدة ونغلق عليها بدائرة اخرى من العجينة ونحاول نثبتها باليد باه متنفتحش ونعاود نطبع جيدا ونحطها في صينية مرشوشة وندهن سطحها بصفار البيض ونرش من فوق الكوكاو والسكر وندخلها الى الفرن لمدة 15 دقيقة

بسبوسة بجوز الهند



المقادير
500غ سميد متوسط
200غ سكر
50غ زبدة ذائبة
2 كيسان حليب
كاس جوز الهند
2 باكي لافاني
1خمارة الحلوى
السيرو
1ل ماء
500غ سكر+ماء الزهر+عصير ليمون



طريقة التحضير
نقوم بمزج المقادير حتى نتحصل على خليط ميكونش ناشف واذا جاكم ناشف ضيفولوا الحليب ثم نضعه في بلاطو وندخله الفرن حتى يصبح لونه ذهبي نخرجه من الفرن ونكونو قد حضرنا السيرو بوضع المقادير في طاوة فوق النار ونخلوه يعقد لمدة 20دقيقة وعند اخراج البسبوسة نسقيها بالسيرو ونتركها لمدة 6 ساعات ومبعد نقطعها الى مربعات ونزينها بجوز الهند



مربعات الليمون


المقادير
175غ فرينة
125زبدة
50غ سكر
للكريمة
160غ سكر
2مغارف كبار فرينةمغرف
مغرف ونص خمارة حلوى
شوية ملح
عصير ليمون
2 حبات بيض
عطر ليمون
سكر رطب للتزيين
طريقة التحضير
نخلط الفرينة والزبدة والسكر حتى الحصول على عجينة طرية ونقوم بوضعها في البلاطو ونبسطها بواسطة مغرف وندخلها الفرن لمدة 20 دقيقة حتى يولي لونها اصفر
ونخرجها ونكون حضرت الكريمة بواسطة خلاط كهربائي نخلط مقادير الكريمة حتى نتحصل على كريمة نضعها على سطح العجينة ونعاود ندخلها الفرن لمدة 20 دقيقة حتى يطيب السطح برك اما في الوسط تبقى طرية ونرش عليها سكر رطب عند اخراجها ونقطعها


حلوى بالبرتقال


المقادير
230غ سكر
230غ فرينة
1ونصف باكي خمارة حلوى

عصير برتقالة
100مل عصير برتقالjus
السيرو
100سكر رطب
عصير 2حبات برتقال

طريقة التحضير
نفصل بياض البيض عن الاصفر ونضربو مع شوية ملح ونخليه على جهة ثم في وعاء نخلط الزبدة والسكر وصفار البيض ثم الفرينة وعصير البرتقال وعصير برتقالة ونخلط جيدا ثم نضيف بياض البيض ونخلط من فوق لتحت وفي الاخير نضيف الخمارة ونخلط ونضعها في اي مول حسب الاختيار بشرط يكون مدهون بازبدة ومرشوش بالفرينة وندخله الى الفرن لمدة 30دقيقة وعند اخراجة نسقيه بالسيرو المتكون من السكر وعصير برتقال نخلطهم جيدا ونسقي الحلوة ونقطعها مربعات ونزينها بالبرتقال




تارتولات بجوز الهند



المقادير
100غ سكر
180جوز الهند
2 بياض البيض
250غ كرام فراش
250شيكولا سوداء
شيكولا بيضاء للتزيين



طريقة التحضير
نخلط جوز الهند ونجمع ببياض البيض ونضعها في مول خاص بالمادلان كما موضح في الصورة وندخلها الفرن لمدة 10دقائق وعند اخراجها نكونو حضرنا الحشوة نضع الكريمة في طاوة فوق نار هادئة حتى الغليان ونحيها من فوق النار ونضيفلها الشيكولا ونخلط حتى نتحصل على كريمة نعمر بيها التارتولات ونزينها من فوق بالشيكولا البيضاء